Biyak (book)

Ang “Biyak” nga pala ay librong aking isinulat at dinrowingan ni Bebang Siy. Unang lumabas ito bilang zine (babasahin na inimprenta sa printer sa bahay at inistapleran) noong December 2016 at ibinenta sa BLTX sa pamamagitan ng Balangay Productions, ang publishing outfit ng asawa ni Bebang Siy na si Ronald Verzo. 7 copies lamang ang nailabas namin noon, at pahirapan din sa pag-ubos. Haha!

Noon namang 2018 ay inedit ng mag-asawa ang materyales at dinevelop iyon bilang isang libro. Sa ngayon ay matatagpuan ito sa maliliit na book store (na hindi ko alam kung saan. Haha!), pati na rin sa Shoppee. At kasalukuyan din itong binebenta sa Manila International Book Fair sa SMX MOA. Magtatagal ang nasabing book fair hanggang September 15, 2019.

Sana po ay masilip at mabulatlat ninyo ang “Biyak” sa booth ng Visprint sa 2^nd floor, Aisle D. At kung may ekstrang pera kayo ay sana’y makakuha kayo ng sarili niyong kopya upang inyong makilatis at ma-examine maigi. 🙂